आत्मभान – महिला सबलीकरण डॉ. निर्मला तळपे-झांजरे

पुस्तकासंबंधी माहिती. महिला सबलीकरण हा एकविसाव्या शतकातील की-वर्ड अर्थात परवलीचा शब्द झाला आहे. महिला सबलीकरणामध्ये स्त्रीला तिचा शारीरिक, मानसिक आणि बौद्धीक क्षमतेची जाणीव तिला स्वतःला होणे अपेक्षित आहे. पुरुष श्रेष्ठ आणि स्त्री कनिष्ठ. तिचे समाजातील स्थान दुय्यम आहे. हा विचार समाजमनात खोलवर रुजला आहे. स्त्री-पुरुष विषमतेवर आधारित समान समाजरचनेमध्ये स्त्रीला तिच्या स्वत्वाची जाणीव होण्यासाठी तिचे सबलीकरण होणे आवश्यक आहे. महिला सबलीकरण ही स्त्रीला  स्वयंविकासासाठी प्रवृत्त करणारी निरंतर प्रकिया आहे. स्त्रीला आर्थिक, सामाजिक, नैसर्गिक व सांस्कृतिक दृष्टीने सुदृढ करणे म्हणजे महिला सबलीकरण होय. अशा समर्थ, सबळ झालेली स्त्री कुटुंबामध्ये तसेच सार्वजनिक जीवनातील महत्वाच्या विषयांमध्ये निर्णय घेण्यामध्ये ती सहभागी होणे. तिचे तिचा निर्णयप्रकियेतील सहभाग वाढविणे हे महिला सबलीकरणाचे अंतिम उद्दीष्ट आहे. हे उद्दीष्टपूर्ण करण्यासाठी महिलांचे हक्क व अधिकार याबाबतची माहिती तसेच शासनाच्या विविध योजनांची माहिती सदर पुस्तकामध्ये लिहिलेली आहे.